CIFP ARMERIA ESKOLA LHII, lanbide-heziketako institutua, 1912 . urtean sortu zen Eibarren, Gasteiz, Donostia eta Bilbo hiriburuen erdibidean.

Kalitatearekin eta etengabeko hobekuntzarekin konprometitua, eta gure bisioarekin bat etorriz, institutuak nazioarteko hainbat proiektutan parte hartzen dihardu 2004-05 ikasturteaz geroztik. 2007-2013 aldirako Erasmus gutuna lortu genuen eta 2014-2020 Erasmus gutun berria ere jaso dugu, goi mailako hezkuntzarako. Gutun hori aurretiko baldintza da orain Erasmus + deitzen den programan 2020-2021 ikasturtera arte parte hartu ahal izateko.

Armeria Eskolak balio handiko profesionalak prestatzea du helburu, espiritu ekintzailea eta nazioartean mugitzeko gaitasuna duten profesionalak. Nazioarteko programek lan-esperientzia baliotsuak eskaintzen dizkie gure ikasle eta langileei, eta horien bitartez, beren gaitasun pertsonalak, profesionalak, sozialak eta kultura artekoak garatu ditzakete, gure Instituzioaren estrategiarekin bat eginez.

Erasmus eta Leonardo bekak (orain KA103 eta KA102)

Armeria Eskolak, Ikaslan Gipuzkoarekin elkarlanean, LP (Lantokiko Prestakuntza) Europar Batasuneko enpresetan egiteko aukera eskaintzen die bere ikasleei, orain arte Erasmus eta Leonardo deituriko beken bitartez.

Erasmus bekak Goi Mailako Zikloetako bigarren mailako ikasleei zuzenduak daude, eta Leonardo bekak, aldiz, Erdi-mailako Zikloetako bigarren mailako ikasleei.

Zer hartzen dute barne

  • Joan-etorrietako hegaldiak
  • Helmugako herrialdean koordinazioa eta laguntza.
  • Enpresan 12 asteko egonaldia eta tutorizazioa.
  • Asegurua.
  • Ostatua.

Ez dute barne hartzen

  • Poltsikorako dirua.
  • Mantenua.

Bekak eskatzeko moduak

1) Eskaerak

Interesa duten ikasleek eskaera bete eta beren tutoreari eman edo idazkaritzan utzi beharko dute, iraileko lehen hiru asteetan.

* Oharra: Epez kanpo aurkeztutako edo ondo bete gabeko eskaerak baztertu egingo dira.

Eskaera jaitsi

2) Hautagaiak aukeratzea

Urriaren erdikaldean aukeratuko dira hautagaiak. Eskaerari lehentasuna emateko, ondorengoak izango dira kontuan:

  • Espediente akademikoa (Gainditu gabeko irakasgaiak dituzten ikasleen eskaerak ez dira onartuko).
  • Hizkuntza-maila (tituluak, etb.).
  • Irakasgaiak ingelesez ikasten egotea (Ziklo hirueledunak).
  • Taldean lan egiteko gaitasuna, jarrera, irakasleen txostenak, etb.
  • Behar izanez gero, elkarrizketa pertsonalak.

Zalantzarik izanez gero, jar zaitez harremanetan Nazioarteko Proiektuen Mintegiarekin.

e-maila: intpro@armeriaeskola.com