SpainskillsHezkuntza, Kultura eta Kirol Ministerioak trebetasunen lehiaketak (ingelesez skills) antolatu eta sustatzen ditu. Lanbide Heziketaren dibulgaziozko tresna baliotsuak eta ikasle, irakasle zein enpresak estimulatzeko baliabideak dira. Horrez gainera, trukatzeko plataformak eta eztabaidarako foroak ere eskaintzen dizkigute, ekoizpen-alor ezberdinetako estandar profesional, kalitatezko eta berrikuntzazkoen  eboluzioen inguruan.

Bi urtez behin antolatzen den LHko lehiaketa nazional honetan autonomietan egindako txapelketetako hautagaitza irabazleek hartzen dute parte, gure kasuan EuskoSkills deiturikoak. Aldi berean, maila nazionaleko irabazleek WorlSkills deiturikoan hartuko dute parte; aurten urrian izango da Abu Dhabi-n.

Martxoan Madrilen egingo den Spainskills-en izango da Armeria Eskola, Kontrol Industriala espezialitatean, Joanes Balenciaga Automatizazioa eta Robotika Industriala zikloko bigarren kurtsoko ikasle azkoitiarrak ordezkatuta. Joanes lehiaketan erabiliko diren ekipamendu teknologikoetan prestakuntza espezifikoa egiten ari da. Kontrol industrialeko teknikariek automatizazio industrialarekin lotutako punta-puntako teknologiekin egiten dute lan: automata programagarriak, frekuentzia-erregulagailuak, ikuskapen-sistemak, kaxa elektrikoak, etb.